बिचरा !  डाँडा माथी अस्ताउनै लागेको
पिलपिले जुन र घाम जस्तै बुढी आमा
निस्वार्थीकी देबी झै हाम्री बुढी आमा
निस्कपट र निर्दोष लाग्ने उनको आंखा
दश महिना कोखीमा राखी जन्माईन,सन्तानहरु थरि थरि
दश धारा दुध चुसाएर हुर्काईन सन्तानहरु रुदै धर धरी

के हेर्छौ ? बुढी आमा दुरबिनबाट
चोखो र सत्जन त कोहि पनि छैनन्
बार, डिस्को र क्यासिनो फस्ताउदै छ
दिन प्रति दिन देह ब्यपार मौलाउदै छ
ब्रम्हचारीको दिमाख पनि बौलाउदै छ
के देखेउ ? बुढी आमा दुरबिनबाट
निस्वार्थी र निष्पापी कोहि छैनन्
निर्मम हत्या र हिंसाको प्रतिशप्रधात्मक खेल हुदैछ
कुरा काटने र खुत्ता तान्नेहरुको पैथेजोडी खेल हुदैछ
धुस र भ्रष्टचारको जाल बुनिदै छ, झेल उनिदैछ 
भो.....नहेर बुढी आमा दुरबिनबाट
जताततै फोहोरको थुप्रो र दुर्गन्धको धुप मात्रै छ
तिम्रा सन्तानहरुको ताल बेताल र हाल बेहाल छ
सून्दर नगरीमा रक्सी र जाँडको आहाल छ
दिनका दिन तास र रंडीबाजीको खाल छ
राजनैतिक र नेताहरुको धराप र जाल छ
भो ....नहेर बुढी आमा दुरबिनबाट
कस्ता कस्ता मिठा भाषण हुन्छ, शासन हुदैन
आकाशका तारा झार्ने कुरा हुन्छ, काम हुदैन
ऐतिहासिक धोषणाहरु हुन्छन, पालना हुदैन
आदर्शका कुरा गर्छन, धैर्यता र अनुसासन छैन
नेताहरु बिच सट्टा र भट्टाको मात्रै कुरा हुन्छ छ
आफ्नो राष्ट्र प्रतिको जिम्मेवार बोध कसैमा छैन
हैन....ए...बुढी आमा के देखेउ ? दुरबिनबाट
बिदेशको गल्लि तिर भौतारी हिड्ने अल्लारेहरुलाई देखेऊकी !
बिदेश तिरै ति बिदेशी दौतारी खोज्ने मोराहरुलाई देखेऊ ?
नराम्रोसंग बिदेश तिरै पलायन भएका छोराहरुलाई भेटेऊकी !
रंगीन सपना बोकेर सुपारी घोर्टाई काम गर्ने प्याराहरुलाई भेटेऊ ?
हैन....ए...बुढी आमा के देखेउ ?  दुरबिनबाट