जिल्लाको एक मात्र बिद्युतगृह बिग्रिएका र्टवाईनहरु मर्मत नहुदा बन्द हुने अवश्थामा पुगेका छन् । ३ वर्षघि देखि बिग्रिएका र्टवाइन मर्मत हुन नसक्दा म्याग्दीको नारच्याङ गाबिस स्थित तातोपानी साना जलविद्युत केन्द्र बन्द हुने अवस्थामा पुगेको छ ।
२ मेघावाट क्षमताको केन्द्रका ८ वटा मध्ये एउटा र्टवानबाट मात्र विद्युत उत्पादन हुने गरेको छ । टवाईन मर्मत हुन नसकेका कारण केन्द्र बन्द हुने अवस्थामा पुगेको नेपाल विद्युत प्राधिकरण म्याग्दी शाखाका प्रमुख शिव नेपालले बताए ।
'आर्थिक अभावमा ३ वर्षे केन्द्रका र्टवाईनको मर्मत हुन सकेको छैन' शाखा प्रमुख नेपालले भने 'हाल जेनतेन सञ्चालन भइरहेको केन्द्र बन्द हुने अवस्थामा छ ।'
२०४७ सालमा स्थापना भएको केन्द्रबाट हाल २ सय किलोवाट मात्र बिद्युत उत्पादन हुने गरेको छ । बिग्रिएका र्टवाइन मर्मत गर्न न्युनतम १ करोड रुपैया आवश्यक पर्ने केन्द्रले जनाएको छ ।
१ वर्षघि जिल्ला स्थित राजनितिक दल र जिबिसको संयुक्त टोली अर्थ मन्त्रालयमा मर्मतका लागि आवश्यक रकम माग गर्न डेलिगेशन गएका थिए । सरकार परिवर्तनसँग अर्थमन्त्रालयले बजेट उपलब्ध गराउन नसकेपछि केन्द्र मर्मत गर्न नसकिएको हो । र
मर्मत हुन नसकेपछि निजि विद्युत उत्पादक कम्पनीलाई भाडामा दिने तयारी भएको छ । निजि कम्पनीले केन्द्रमा पानी प्रयोग हुने मित्री खोलाबाट ३२ मेगावाट क्षमताको नयाँ जलविद्युत आयोजना निर्माण गर्न विद्युत विकास विभागबाट अनुमती लिएर प्रक्रीया अघि बढाएको जनाईएको छ ।
विद्युत प्राधिकरण म्याग्दीका अनुसार तातोपानी साना जलबिधुत आयोजना नीजि कम्पनीले लिजमा लिन खोजेको बताईएको छ । प्रक्रिया अगाडी बढी रहेको भए पनि कुन संस्थाले लिन चाहेको बारेमा भने बिद्युत प्राधिकरण म्याग्दीले जानाकारि दिन मानेन ।
