अखिल नेपाल राष्ट्रिय स्वतन्त्र विद्यार्थी युनियन बाराले शनिबार चितवनमा भर्खरै सम्पन्न भएको नेकपा एमालेको १० औं महाधिवेशनमा जिल्लाबाट निर्वाचित भएका केन्द्रीय कमिटीका सदस्यहरुको सम्मान गरेको छ । निजगढमा आयोजना गरिएको एक कार्यक्रममा जिल्लाबाट एमालेको केन्द्रीय सदस्य पदमा निर्वाचित पुरुषोत्तम पौडेल, अच्युत मैनाली, बलवीर चौधरी र ज्वाला साहको सम्मान गरेको हो ।
अनेरास्ववियुका जिल्ला अध्यक्ष भैयाराम शाहनीको अध्यक्षतामा भएको सो कार्यक्रममा अखिल केन्द्रीय कमिटी सचिवालय सदस्य त्रिलोक ठकुरीले स्वागत मन्तव्य व्यक्त गरेका थिए ।
कार्यक्रममा बोल्दै पूर्वमन्त्री समेत रहनु भएका पौडेलले केन्द्रीय कमिटी सदस्यमा निर्वाचित गर्न पार्टी कार्यकर्ताहरुले गरेको सहयोगको लागि आभार व्यक्त गरे ।
त्यसैगरी उनले पार्टी संघठन विस्तारको लागि आफुले इमान्दारिताका साथ काम गर्ने बताए । अनेरास्ववियु बारा जिल्ला कमिटी सचिव श्यामकृष्ण घिमिरेले कार्यक्रमको संचालन गरेका थिए ।
