आगामी २०२४ मा हुने अमेरिकी राष्ट्रपति पदका लागि पार्टीभित्र हुने प्राइमरी चुनावमा न्यु ह्याम्पशायरमा पूर्व राष्ट्रपति डोनाल्ड ट्रम्पले निक्की हेलीलाई पछि पारेका छन् । न्यु ह्याम्पशायरमा ट्रम्पले ११ प्रतिनिधि र उनका प्रतिद्वन्द्वी निक्की हेलीले ८ प्रतिनिधि मत पाएका हुन । न्यु ह्याम्पशायरमा रिपब्लिकन पार्टीका कुल २२ प्रतिनिधि छन ।
प्राइमरी निर्वाचनमा जो कोही विजयी हुने राष्ट्रपतिको उम्मेदवार बन्ने लगभग निश्चित हुने भन्ने विश्वास गरिन्छ । ट्रम्पले न्यु ह्याम्पशायर जितेपछि रिपब्लिकनवाट ट्रम्प नै उम्मेदवार बन्ने निश्चित जस्तै भएको छ । अमेरिकी चुनावमा पार्टीका राष्ट्रपतिका उम्मेदवार छनोट गर्न ककस र प्राइमरी निर्वाचनलाई आधार बनाइन्छ ।
